ماذا تفعل عندما تعلم ان الاخرين يكرهونك ...؟؟

هل راودك هذا الاحساس المميت يوما ما .. هل شعرت بدبيب وطأته القاتلة تزحف نحوك .. هل تعرفه اصلا ؟؟ان تشعر بان جميع من حولك يكرهونك و لا يكنون لك فى صدورهم سوى العداء .. وانك السبب فى كل مشاكلهم و مصائبهم .. ان تتجرع كل لحظة مرارة الذنب و انك لا تستحق " شربة " الماء و لا " نفس " الهواء و لا الحياة ذاتها .
لذا فمكانك الطبيعى ليس على وجه الارض بل جوفها فى قلب العدم بين قبور الموتى حتى تضيع نفسك و تكرهها انت الاخر و تعجز عن البحث عنها فتفقد رشدك للابد و تسأم الحياة و البشر وجميع المخلوقات و تعشق الضياع .
قطعا لسنا ملائكة .. نحن بشر .. نعيش على الارض و لسنا فى الجنة .. لكن أفترض جدلا أنك شعرت فجأة بأن الجميع يكرهونك .. كيف ستفكر و ماذا تفعل ..؟السؤال مستفز و صادم و اما انك ستأخذ الأمر بجدية او ستمضى الى شئونك .. و الارجح أنك لن تحتمل التفكير لبضع دقائق متواصلة .. و من الممكن ان تسأل نفسك هل هناك فعلا من يكرهه جميع من حوله و يتحمل الحياة .
لن اجيبك و أحيلك الى الوضع من حولك .. راقبه جيدا و ستكتشف ان مصر بها العشرات ممن لا يستحقون الحياة .. وهذه ليست مبالغة .. فقط اسأل نفسك بأى منطق يعيشون و يصرون بغباء على استعداء الجميع للظفر على ما يبدو بالمزيد من الكراهية

وعودة الى السؤال .. ماذا تفعل عندما تعلم وتتيقن ان الآخرين يكرهونك ؟؟؟؟؟؟

Sad

NOOR * H

اولا شكرا ليكى على الموضوع الجميل والجديد ده
ثانيا فعلا السؤال صادم ومفاجئ
انا كواحد من الناس عمرى مافكرت فى حاجة زى دى
بس تعالى نفكر ايه التصرف اللى نقدر نقوم بيه لو فعلا كان كل اللى حوالينا بيكرهونا
انا عن نفسى قدامى حلين
الاول : هو انى احاول ابعد عن كل اللى اعرفهم اهاجر او اغير المكان اروح بلد تانيه المهم انى اتخلص من الشعور بكره الناس ليا وخصوصا لو ماكنتش عارف السبب فى الكره ده ؟؟
التانى : انى احاول استفز واحد من اللى متاكد انهم بيكرهونى لغاية ما يطلع فيا ويشتمنى ويبهدلنى وساعتها اقدر اتكلم معاه واعرف ايه اللى كرهه فيا ومنها اقدر احل المشكلة معاه كشخص ويكون طريقتى معاه هى دعاية بين الناس ان كل اللى مضايق منى فى حاجة يكلمنى ونتفاهم ونعرف مين الغلطان ..................
والحل التانى اجمل عارفين ليه ؟؟
احنا هانعيش قد ايه علشان نضيعه فى كره وشحن وضغط
وليه نضيع وقتنا فى انتقام وحقد وكراهية

لو تسامحنا وفضفضنا وكان همنا على بعض فعلا يبقى لازم نعاتب بعض ونسامح بعض علشان محدش فينا (والعمار بيد الله) يقف قدام ربنا وهو مكسور و يكون بينه وبين حد مظلمة

وبعدين داحتى الرسول عليه السلام قال ان ربنا بيغفر لكل الناس فى ليلة النصف من شعبان والوحيدين اللى استثناهم

المشرك والمشاحن
المشرك معروفة
اما المشاحن فهو الذى يحمل حقد وغل وكره لاخوه المسلم

ياريت ننقى نفوسنا وقلوبنا ويكون تعاملنا مع بعض احسن ويسوده الود والحب

انصح نفسى اولا واتمنى ان يكون كلامى اقنعكم

وشكرا جدا يا Hعلى الموضوع بجد رائع رائع رائع

SAAAAAAAAAAAAAAAADANY

الحمد لله انا محبوبه جدا من الجميع
وميرسي على موضوعك

ميرسى كتييييييييييييييير على ردودكم و الاهتمام

» ماذا تفعل عندما تضيق بك الدنيا؟؟؟
» ماذا تفعل اذا كان الصمت طبعك عندما تحزن او تغضب.
» ماذا تفعل لو ضاقت بك الدنيا
» مرجع للسيارات خاص بالكهرباء والبطاريات (نحن نختلف عن الاخرين)
» هل تعلم ان..................؟